Víkurbraut 17 Reykjanesbær

Til sölu

0. hæð	001
1. hæð	101	102	103
2. hæð	201	202	203
3. hæð	301	302	303
4. hæð	401	402	403
5. hæð	501	502	503
6. hæð	601	602

Til sölu - Í fjármögnun - Seld

Víkurbraut 17 , 18 íbúða fjölbýli

Skilalýsing þessi fjallar einungis um meginatriði, en er ekki ætlað að vera tæmandi um einstök frágangsatriði, lýsingin er fylgiblað kaupsamnings.

Almenn atriði
Víkurbraut 17 er fjölbýlishús á 9 hæðum. Fyrst er bílageymslan með innkeyrslu frá Bakkastíg þá geymsluhæð með geymslum og einni íbúð, 1.-5. hæð með þremur íbúðum á hverri hæð og loks 6.-7. hæð með tveimur penthouse-íbúðum. Lyfta er í húsinu og nær hún frá bílageymslu og upp á 6. hæð.
Íbúðirnar afhendast fullbúnar (nema penthouse-íbúðir) með glæsilegum innréttingum, Corian borðplötum, einstafa harðparketi og flísum á gólfum og glæsilegum AEG heimilistækjum (ofn, helluborð, uppþvottavél, ísskáp, þvottavél og þurrkara) og glerlokuðum svölum (á ekki við íbúð 001).
Aðalhönnuður er Arkitektastofan ehf (Ormar Þór Guðmundsson).

Bílageymsla (-1. hæð)
Í kjallara hússins er bílageymsla með stæðum fyrir 18 bíla, tækjaklefi, sorpgeymsla og tveir bílskúrar. Frá bílageymslu er innangengt að lyftu og stigahúsi.

Geymsluhæð (0. hæð)
Á þessari hæð er íbúð 001 sem er 3ja herbergja með stórum (76,3m²) hellulögðum séreignargarði með snjóbræðslu (þak yfir bílageymslu).
Einnig 18 sérmerktar geymslur auk hjóla og vagnageymslu

1. hæð
Anddyri er með póstkössum og mynddyrasíma, gólf flísalagt. Rafdrifnar rennihurðir með skynjurum eru fyrir anddyri. Þaðan er gengið að stiga, lyftu og inn á íbúðargang.
Úr íbúðargangi er gengt í þrjár íbúðir. Tvær 3ja herbergja og ein 4ra herbergja. Allar íbúðirnar eru með glerlokuðum svölum.

2. - 5. hæð
Á hverri hæð eru þrjár íbúðir. Tvær 3ja herbergja og ein 4ra herbergja. Allar íbúðirnar eru með glerlokuðum svölum.

6. hæð
Á hæðinni eru tvær stórar og glæsilegar penthouse-íbúðir á 2 hæðum. Þeim báðum fylgja glerlokaðar svalir á 6. hæð en á 7. hæð fylgja báðum þessum íbúðum stórar hellulagðar þaksvalir með snjóbræðslu að auki. Í íbúðunum er steyptur stigi milli hæða. Íbúðirnar afhendast tilbúnar undir tréverk.

Ytri frágangur og lóð
Húsið afhendist fullbúið að utan, lóð fullbúin svo og bílastæði. Að utan er húsið einangrað með steinull og klætt með flísum, báruáli og sléttu áli. Þak yfir 6. hæð og bílageymslu er steinsteypt með tvöföldum pappalagi, einangrun, hitaspíral og hellulagt er þar ofan á. Þak yfir 7. hæð sem er inndregin er klætt báruáli.
Svalir eru steinsteyptar, með hitaspíral og innfrarauðum geislahitara. Handrið er úr áli og klætt hertu gleri sem er opnanlegt ofan handriðs. Handrið á bílageymsluhúsi og á þaksvölum er steinsteypt.
Gluggar, svalahurðir og opnanleg fög eru málaðir trégluggar að innan með álfölsum að utan og þreföldu gleri.
Aðalhurð er rafdrifin álhurð með skynjurum.
Lóð afhent fullbúin, bílastæði malbikuð. Hellulagðar stéttar eru fyrir framan húsið og að anddyrum. Hitalögn er undir þeim. Rampur að bílageymslu er upphitaður.

Sameign
Öll sameign afhent fullbúin. Anddyri flísalagt, stigar og stigapallar eru teppalagðir.
Sorpgeymsla, hjóla- og vagnageymsla er með epoxy á gólfum. Allir veggir og loft í sameign eru máluð. Hiti er í gólfum.

Sérgeymslur
Öllum íbúðum fylgja sérgeymslur á geymsluhæð (0.hæð). Þær afhendast málaðar og gólf lökkuð. Léttir veggir milli geymsla eru úr clickboard-plötum klæddum á blikkstoðir. Hurðir á geymslum eru yfirfelldar hvítar hurðir. Hillur fylgja öllum geymslum. Allar geymslur eru loftræstar með útsogi. Hiti er í gólfum.

Bílageymsluhús
Bílageymsla einangruð að utan með hita í gólfi. Vélræn loftræsting.
Veggir og loft eru málaðuð. Gólf er vélslípað með niðurfallsrennu fyrir miðju. Hurð á bílgeymslu er úr einöngruðum samlokueiningum með sjálfvirkum opnara. Ein fjarstýring fylgir hverju stæði.

Rafmagn og boðleiðir
Útiljós verða á svölum og við útihurðir. Vatnsvarðir tenglar á svölum.
Sjónvarps og tölvutenglar eru í öllum herbergjum. Ljósleiðari er í hverri íbúð. Sjónvarpskerfi er tengt við kapal (Kapalvæðing), ekki loftnet. Dyrasími í anddyri með myndavél, eitt mynddyrasímtæki er í hverri íbúð og tengidós fyrir annað í öllum hjónaherbergjum. Í húsinu er brunaviðvörunarkerfi.

Verktakar og hönnuðir
Byggingarverktaki	Húsagerðin hf
Arkitekt	Arkitektastofan
Innanhús Arkitekt	JeEs arkitektar
Verkfræðingur	Verkfræðistofa Suðurnesja
Pípulagnir	Benni Pípari
Rafmagn	Nesraf
Múrverk	Múrhamar
Málning	Ólafur Már Ólafsson
Innréttingar	Grindin
Blikk	Blikksmiðja ÁG
Undirverktakar	FF verktakar